ជូនចំពោះ Visitor,

ស្វាគមន៍មកកាន់ទស្សនវិស័យខែ្មរ ដែលជាគេហដ្ឋាននៃវេទិការពិភាក្សាខែ្មរ ប្រកបដោយការគួរសម និងបញ្ញវន្តឈានមុខគេនៅក្នុងពិភពលោក។ បេសកម្មសម្រាប់ការពិភាក្សារបស់យើងគឺដើម្បីទាក់ទាញខែ្មរ ជុំវិញពិភពលោកពីគ្រប់ជាតិសាសន៍ ការសិក្សា និងបទពិសោធន៍ ដើម្បីចែករំលែកគំនិតដែលផ្តល់កម្លាំងចិត្ត និងការអប់រំ ហើយផ្តល់ក្តីសង្ឃឹមសម្រាប់អនាគតប្រសើរមួយ ចំពោះបុគ្គល និងសម្រាប់មាតុភូមិជាទីស្រឡាញ់។ យើងជាពូជខែ្មរសម័យថ្មី ដែលកំពុងជាសះស្បើយពីអតីតកាល ផ្តោតទៅកាន់អនាគតប្រសើរមួយ។ នេះពិតជាកន្លែងប្រាកដសម្រាប់អ្នក ដើម្បីបញ្ចេញការពិភាក្សាប្រកបដោយគំនិត និងការជជែកដេញដោល ដែលពោរពេញដោយប្រយោជន៍ពីប្រធាននានា ជាមួយនឹងការរក្សាខ្ជាប់ខ្ពស់នូវការគួរសមនិងគោរពគ្នាទៅវិញទៅមក។

យើងមានយន្តការសំខាន់ពីរកំពុងអនុវត្តដើម្បីពង្រឹងសហគមន៍មួយប្រកបដោយការគួរសម។ ទីមួយ យើងមានក្រុមអ្នកត្រួតពិនិត្យ ដែលរួមមានបុគ្គលិកនិងសមាជិកអង្គរវ័ន្តដូចជារូបអ្នកជាដើម ដើម្បីធានាឲ្យបានរាល់ការដាក់អត្ថបទទាំងអស់គោរពតាមកិច្ចព្រមព្រៀងនៃការប្រើប្រាស់។ ចុងក្រោយ ចំពោះរាល់អ្នកបងើ្កតអត្ថបទថ្មីទាំងអស់ដែលដាក់អត្ថបទទៅក្នុងការពិភាក្សា អត្ថបទទាំងនោះនឹងត្រូវស្ថិតក្នុងសភាពរង់ចាំការយល់ព្រមជាមុនសិន។ បន្ទាប់ពីទទួលបានការយល់ព្រមមួយចំនួនហើយនោះ ពួកគាត់នឹងត្រូវបានតំឡើងទៅជាអ្នកបងើ្កតអត្ថបទដែលទទួលបានការទុកចិត្ត ដោយមិនចាំបាច់ស្ថិតក្នុងសភាពរង់ចាំការយល់ព្រមទៀតឡើយ។ គោលការណ៍ទាំងនេះបានជួយយើងឱ្យស្ថាបនាសហគមន៍របស់យើងដែលមានដូចសព្វថៃ្ងនេះ។

នៅក្នុងសមាគមន៍អនឡាញយ៍និមួយៗ ការពិភាក្សាពីបញ្ហានយោបាយគឺជានិន្នាការអារម្មណ៍មួយ ទោះបីជាយ៉ាងណាក៏ដោយ នយោបាយគឺជាចំនុចរសើបនៅក្នុងប្រទេសកម្ពុជា។ ដូច្នេះ យើងចង់បញ្ជាក់ឲ្យច្បាស់ពីអី្វដែលយើងមានន័យអំពី "គ្មាននយោបាយ" គឺជាទូទៅមានន័យថា "សូមកុំវាយប្រហារដោយប្រយោល ឬបង្ខូចកេរ្តិ៍ឈ្មោះរដ្ឋាភិបាលណាមួយ ឬឥស្សរជនគណបក្សផ្លូវការដទៃទៀត។" អ្នកអាចពិភាក្សាពីគោលនយោបាយរបស់រាជរដ្ឋាភិបាល និងផ្តល់មតិរិះគន់បែបស្ថាបនា។ សូមចងចាំថាគ្មានរាជរដ្ឋាភិបាល ឬគោលនយោបាយណាដែលល្អឥតខ្ជោះនោះទេ តែទោះបីជាយ៉ាងណា ខ្ញុំជឿជាក់ថារាជរដ្ឋាភិបាលរបស់យើងកំពុងធើ្វអី្វដែលល្អបំផុតដែលអាចធើ្វទៅបានដើម្បីបងើ្កតសមតុល្យចំណាប់អារម្មណ៍របស់អ្នកទាំងអស់យ៉ាងលិ្អតល្អន់ ដែលនេះជាការប្រលងប្រជែងយ៉ាងសម្បើមបើគិតពីអី្វដែលប្រទេសយើងបានឆ្លងកាត់ក្នុងប៉ុន្មានទសវត្សកន្លងមកនេះ។ AngkorOne ជានិច្ចកាលនឹងប្រកាន់ខ្ជាប់នូវអព្យាក្រិតភាពរាល់ពេលនិយាយពីនយោបាយ។

សំឡឹងលើសពីនយោបាយដែលបែកចែកយើង និងរួបរួមយើងក្នុងការស្ថាបនាសហគមន៍មួយដែលជំរុញការឯកភាពនៃប្រជាជនខែ្មរទាំងអស់ពីគ្រប់ទិសទីជុំវិញពិភពលោក ដើម្បីផ្តល់កម្លាំងចិត្ត និងចែករំលែកកី្តសង្ឃឹម ចំណេះដឹង និងកី្តស្រមៃ។ កម្ពុជាកំពុងប្រឈមនឹងសម័យកាលដ៏យូរអង្វែងនៃស្ថេរភាពនយោបាយ ហើយបច្ចុប្បន្ននេះយើងមានឱកាសមាសដើម្បីស្ថាបនាមាតុភូមិជាទីស្រឡាញ់របស់យើងឡើងវិញ។ សូមប្រើប្រាស់វេទិកាពិភាក្សានេះដើម្បីភ្ជាប់ទំនាក់ទំនងជាមួយខែ្មរទូទាំងពិភពលោក ដើម្បីបង្ហាញទៅពិភពលោកថាយើងជាខ្មែរក្រោកឈររួបរួម និងបង្ហាញថាយើងមានមោទនភាពជាជាតិសាសន៍ខែ្មរដែលមានភាពគួរសម គោរព និងបញ្ញវន្ត។

ការគោរពដ៏ជ្រាលជ្រៅ

ស្ទេវិន ផាត
ស្ថាបនិក និងនាយកប្រតិបតិ្តរបស់ AngkorOne.com